ಕೋಸಂಬರಿ ನಾವೂ ಮಾಡ್ತೀವಿ ಯಾವಾಗಲೂ ಅದರ ರೆಸಿಪಿ ಯಾಕೆ ಅಂದುಕೊಂಡಿರಾ!!! ಇದು ಸ್ವಲ್ಪ ವಿಶೇಷವಾದ ರೆಸಿಪಿ! ನಮ್ಮ ಚಿಕ್ಕ ಅತ್ತೆಯಿಂದ ಕಲಿತದ್ದು!

ಮಾಡುವ ವಿಧಾನ:-

1 ಚಿಕ್ಕ ಲೋಟ ಹೆಸರು ಬೇಳೆ ತೊಳೆದು 2 ಗಂಟೆ ನೆನೆಸಿ ಕುಕ್ಕರಿನಲ್ಲಿ 1 ವಿಷಲ್ ಕೂಗಿಸಿ, ನೀರು ಸೋರಿ ಹಾಕಿಡಿ. ಹೆಸರು ಬೇಳೆ ಬೇಯಿಸಿದ ನೀರನ್ನು ಚೆಲ್ಲದೆ ರಸಂ, ಸಾಂಬಾರು ಮಾಡುವಾಗ ಉಪಯೋಗಿಸಿ.

1 ಸೌತೇ ಕಾಯಿ ಕಹಿ, ಸಿಪ್ಪೆ ತೆಗೆದು ಸಣ್ಣಗೆ ಹೆಚ್ಚಿಡಿ.

ಸ್ವಲ್ಪ ಕೊತ್ತಂಬರಿ ಸೊಪ್ಪು ಸಣ್ಣಗೆ ಹೆಚ್ಚಿಡಿ.

  

6 ಚಮಚ ಕಾಯಿ ತುರಿದಿಡಿ.

4 ಬಾಳಕದ ಮೆಣಸಿನಕಾಯಿ ಬಿಸಿ ಎಣ್ಣೆಯಲ್ಲಿ ಕೆಂಪಗೆ ಕರಿದು ಪುಡಿ ಮಾಡಿಡಿ.

ದೊಡ್ಡ ಬಟ್ಟಲಿನಲ್ಲಿ ಮೇಲೆ ಹೇಳಿರುವ ಎಲ್ಲಾ ಸಾಮಗ್ರಿಗಳು ಹಾಕಿಡಿ.

ಚಿಕ್ಕ ಬಾಣಲೆಯಲ್ಲಿ ಒಗ್ಗರಣೆಗೆ 1 ಚಮಚ ಎಣ್ಣೆ ಹಾಕಿ ಸಾಸಿವೆ, ಇಂಗು, ಕರಿಬೇವು ಹಾಕಿ ಹೆಸರುಬೇಳೆ ಮಿಶ್ರಣಕ್ಕೆ ಹಾಕಿ, ರುಚಿಗೆ ತಕ್ಕಷ್ಟು ಉಪ್ಪು, 1/2 ನಿಂಬೆ ಹಣ್ಣಿನ ರಸ ಹಾಕಿ ಕಲೆಸಿದರೆ ರುಚಿಯಾದ, ಆರೋಗ್ಯಕರವಾದ ಕೋಸಂಬರಿ ಸವಿಯಲು ಸಿದ್ಧ!

ಮೊದಲೇ ಉಪ್ಪು ಹಾಕಿದರೆ ನೀರು ಬಿಟ್ಟುಕೊಳ್ಳುತ್ತದೆ. ತಿನ್ನುವ ಮೊದಲು ಉಪ್ಪು ಹಾಕಿ ತಕ್ಷಣವೇ ಸವಿಯಿರಿ!

ಧನ್ಯವಾದಗಳು