MANGALORE BUNS ಮಂಗಳೂರು ಬನ್ಸ್

Categories: Kannada, Tindi TinisuPublished On: January 13, 20180 Comments0.4 min read
Indu Jayaram
SHARE

ಎಲ್ಲರಿಗೂ ಇಷ್ಟವಾಗುವ ಆಹಾರ! ಬೆಳಗ್ಗೆಯ ತಿಂಡಿಗೆ ಸೂಕ್ತವಾದ ರೆಸಿಪಿ! ಮಂಗಳೂರು ಬನ್ಸ್ ಎಲ್ಲರಿಗೂ ಗೊತ್ತಿರುವ ಹಾಗೆ ಮೈದಾ ಹಿಟ್ಟಿನಲ್ಲಿ ಮಾಡುವುದು! ನಾನು ಗೋಧಿ ಹಿಟ್ಟು ಹಾಕಿ ಮಾಡಿರುವುದು! ರುಚಿ ತುಂಬಾ ಚೆನ್ನಾಗಿರುತ್ತದೆ! ಆರೋಗ್ಯಕರ ಕೂಡಾ

ಮಾಡುವ ವಿಧಾನ:-

2 ಚೆನ್ನಾಗಿ ಹಣ್ಣಾಗಿರುವ ಪಚ್ಚ ಬಾಳೆ ಹಣ್ಣಿನ ಸಿಪ್ಪೆ ತೆಗೆದು ಚೆನ್ನಾಗಿ ಕಿವುಚಿಡಿ.

  

ದೊಡ್ಡ ಬಟ್ಟಲಿನಲ್ಲಿ ಬಾಳೆಹಣ್ಣಿನ ರಸ, 1 ಬಟ್ಟಲು ಗೋಧಿ ಹಿಟ್ಟು, 1 ಟೇಬಲ್ ಚಮಚ ಸಕ್ಕರೆ, ( ನಿಮ್ಮ ರುಚಿಗೆ ತಕ್ಕಷ್ಟು ಸಕ್ಕರೆ ಹಾಕಿ, ಬಾಳೆ ಹಣ್ಣಿನ ಸಿಹಿ ಕೂಡ ಸಾಕಷ್ಟು ಇರುತ್ತದೆ!), 1/4 ಟೀ ಚಮಚ ಉಪ್ಪು, 1 ಟೀ ಚಮಚ ಜೀರಿಗೆ ( Optional ), 1/4 ಚಮಚ ಬೇಕಿಂಗ್ ಪೌಡರ್, 1 ಚಮಚ ಎಣ್ಣೆ, 2 ಟೇಬಲ್ ಚಮಚ ಗಟ್ಟಿ ಮೊಸರು ಹಾಕಿ ಚೆನ್ನಾಗಿ ಕಲೆಸಿ. ಬೇಕಾದರೆ ಸ್ವಲ್ಪ ನೀರು ಸೇರಿಸಿ ಚಪಾತಿ ಹಿಟ್ಟಿನ ಹದಕ್ಕೆ ಹಿಟ್ಟು ಕಲೆಸಿ, ಸ್ವಲ್ಪ ಎಣ್ಣೆ ಸವರಿ 4 ರಿಂದ 6 ಗಂಟೆ ಮುಚ್ಚಿಡಿ.

  

ನಂತರ ಹಿಟ್ಟನ್ನು ಮತ್ತೊಮ್ಮೆ ನಾದಿ ಪೂರಿ ಹಿಟ್ಟಿನ ಉಂಡೆಗಿಂತ ಸ್ವಲ್ಪ ದೊಡ್ಡ ಉಂಡೆ ತೆಗೆದುಕೊಂಡು, ಪೂರಿಗಿಂತ ಸ್ವಲ್ಪ ದಪ್ಪಗೆ ಲಟ್ಟಿಸಿ ಕಾದ ಎಣ್ಣೆಯಲ್ಲಿ ಕೆಂಪಗೆ ಕರಿದು, ಚಟ್ನಿಯೊಂದಿಗೆ ಸವಿಯಿರಿ!

ಧನ್ಯವಾದಗಳು

About the Author: Indu Jayaram

Indu Jayaram is a homemaker and regularly writes on home cooked food. She has more than 10,000 followers in her facebook page https://www.facebook.com/pg/indumathijayaram/

Leave A Comment