ಮಸ್ಸೊಪ್ಪು ಮಾಡುವ ವಿಧಾನ:-
1 ಲೋಟ ಬೇಳೆಯನ್ನು ತೊಳೆದು ಕುಕ್ಕರಿನ ತಳದಲ್ಲಿ ಸ್ವಲ್ಪ ನೀರಿನ ಜೊತೆ ಹಾಕಿ, ಮೇಲೆ ತೊಳೆದ 4 ಕಟ್ಟು ಚಕ್ಕೋತನೆ ಸೊಪ್ಪು ಹಾಕಿ, ಅದರ ಮೇಲೆ ಒಂದು ಚಿಕ್ಕ ಬಟ್ಟಲಿನಲ್ಲಿ 1 ಸಿಪ್ಪೆ ಸುಲಿದ ಈರುಳ್ಳಿ, 1 ಗೆಡ್ಡೆ ಬೆಳ್ಳುಳ್ಳಿ, (ಬೆಳ್ಳುಳ್ಳಿ ಬೇಡದಿದ್ದರೆ ಒಗ್ಗರಣೆಗೆ ಇಂಗು ಹಾಕಿ ಮಾಡಬಹುದು)2 ಟೊಮೇಟೋ, 1 ಚಮಚ ಜೀರಿಗೆ, 6 ಹಸಿ ಮೆಣಸಿನ ಕಾಯಿ ಹಾಕಿ (ಚಿತ್ರ ನೋಡಿ), 3 ವಿಷಲ್ ಕೂಗಿಸಿ ತಣ್ಣಗಾದ ಮೇಲೆ ಟೊಮೇಟೋ ಸಿಪ್ಪೆ ತೆಗೆದು ಇಡಿ.
ಬಟ್ಟಲಿನಲ್ಲಿರುವದನ್ನು 2 ಚಮಚ ಕಾಯಿ ತುರಿ ಜೊತೆ ಮೆಾದಲು ಸ್ವಲ್ಪ ರುಬ್ಬಿ, ನಂತರ ಸೊಪ್ಪು ಹಾಕಿ 2 ಸುತ್ತು ರುಬ್ಬಿ ಕೊಳ್ಳಿ, ತುಂಬಾ ನುಣ್ಣಗೆ ಮಾಡ ಬೇಡಿ, ಬೇಳೆಯನ್ನು ರುಬ್ಬಬಾರದು. ರುಬ್ಬಿದ ಮಿಶ್ರಣವನ್ನು ಬೆಂದ ಬೇಳೆಗೆ ಹಾಕಿ ಉಪ್ಪು, ಸ್ವಲ್ಪ ನೀರು ಹಾಕಿ ಕುದಿಸಿ, ಕೊನೆಯಲ್ಲಿ ಸಾಸಿವೆ, ಕರಿಬೇವಿನ ಒಗ್ಗರಣೆ ಹಾಕಿದರೆ ರುಚಿಯಾದ ಮಸ್ಸೊಪ್ಪು ಬಿಸಿ ರಾಗಿ ಮುದ್ದೆ, ಅನ್ನ, ಚೂರು ತುಪ್ಪ, ಹಸಿ ಈರುಳ್ಳಿಯೊಂದಿಗೆ ಸವಿಯಲು ಸಿದ್ಧ!
ಧನ್ಯವಾದಗಳು.