ರಾಗಿ ದಕ್ಷಿಣ ಕರ್ನಾಟಕದ ಪ್ರಮುಖ ಆಹಾರ. ಆರೋಗ್ಯಕರ ಕೂಡ! ಇದರಿಂದ ರುಚಿಯಾದ ಇಡ್ಲಿ ಮತ್ತು ದೋಸೆ ಒಂದೇ ಹಿಟ್ಟಿನಿಂದ ಮಾಡುವ ರೆಸಿಪಿ ಇಲ್ಲಿದೆ!

ಹಿಟ್ಟು ಮಾಡುವ ವಿಧಾನ:-

ರಾಗಿ – 1 ಲೋಟ
ದೋಸೆ ಅಕ್ಕಿ – 1 ಲೋಟ
ಉದ್ದಿನ ಬೇಳೆ -1/2 ಲೋಟ
ಗಟ್ಟಿ ಅವಲಕ್ಕಿ – 4 ಚಮಚ
ಮೆಂತ್ಯ – 1/2 ಚಮಚ (ಬೇಕಾದರೆ)

ರಾಗಿ ತೊಳೆದು 4 ಗಂಟೆ ನೆನೆಸಿಡಿ.
ಅಕ್ಕಿ, ಅವಲಕ್ಕಿ ತೊಳೆದು ಒಟ್ಚಿಗೆ 2 ಗಂಟೆ ನೆನೆಸಿಡಿ.
ಉದ್ದಿನ ಬೇಳೆ, ಮೆಂತ್ಯ ತೊಳೆದು 2 ಗಂಟೆ ನೆನೆಸಿಡಿ.
ಮೊದಲು ರಾಗಿ ನುಣ್ಣಗೆ ರುಬ್ಬಿಡಿ. Grinder ಆದರೆ ಒಳ್ಳೆಯದು. Mixie ಯಲ್ಲಾದರೆ 2 ಬಾರಿ ರುಬ್ಬಬೇಕು. ರಾಗಿ ನುಣ್ಣಗೆ ಆಗುವುದು ನಿಧಾನ. ನಂತರ ಮಿಕ್ಕೆಲ್ಲವನ್ನೂ ನುಣ್ಣಗೆ ರುಬ್ಬಿ ರಾಗಿ ಮಿಶ್ರಣಕ್ಕೆ ಸೇರಿಸಿ ಉಪ್ಪು ಹಾಕಿ ಕಲೆಸಿ ರಾತ್ರಿ ಪೂರ ಹುದುಗಲು ಬಿಡಿ. ಹಿಟ್ಟು ಗಟ್ಟಿಯಾಗಿ ಇರಲಿ.

 

ಇಡ್ಲಿ ಮಾಡುವ ವಿಧಾನ:-

ಗಟ್ಟಿಯಾದ ಮಿಶ್ರಣಕ್ಕೆ ಸ್ವಲ್ಪ ಅಡುಗೆ ಸೋಡಾ ಸೇರಿಸಿ ಕಲೆಸಿ ಸಾಧಾರಣವಾಗಿ ಮಾಡುವಂತೆ 10 ರಿಂದ 12 ನಿಮಿಷ ಬೇಯಿಸಿದರೆ ರಾಗಿ ಇಡ್ಲಿ ಸಿದ್ಧ!

   

 

      

 

ದೋಸೆ ಮಾಡುವ ವಿಧಾನ:-

ಇದೇ ಹಿಟ್ಟನ್ನು ಸ್ವಲ್ಪ ನೀರು ಸೇರಿಸಿ ತೆಳ್ಳಗೆ ದೋಸೆ ಹಿಟ್ಚಿನ ಹದಕ್ಕೆ ಕಲೆಸಿ.

ದೋಸೆ ಮೆತ್ತಗೆ ಬೇಕೆಂದರೆ ದೋಸೆ ಸ್ವಲ್ಪ ದಪ್ಪಗೆ ಹಾಕಿ ತಟ್ಟೆ ಮುಚ್ಚಿ ಬೇಯಿಸಿ.

ದೋಸೆ ಗರಿ ಗರಿಯಾಗಿ ಬೇಕೆಂದರೆ ತೆಳ್ಳಗೆ ಮಾಡಿದ ಹಿಟ್ಚಿಗೆ 1 ಚಮಚ ಅಕ್ಕಿ ಹಿಟ್ಟು ಹಾಕಿ ತೆಳ್ಳಗೆ ದೋಸೆ ಹಾಕಿ ತಟ್ಟೆ ಮುಚ್ಚದೆ ಕಡಿಮೆ ಉರಿಯಲ್ಲಿ ಬೇಯಿಸಿ.

 

ಈರುಳ್ಳಿ ಆಲೂಗೆಡ್ಡೆ ಸಾಂಬಾರ್ ಮಾಡುವ ವಿಧಾನ:-

ಇಡ್ಲಿ ಜೊತೆ ಒಳ್ಳೆಯ Combination!

1 ಲೋಟ ತೊಗರಿ ಬೇಳೆಯನ್ನು 1 ಸಿಪ್ಪೆ ತೆಗೆದು ಹೆಚ್ಚಿದ ಆಲೂಗೆಡ್ಡೆ ಜೊತೆ 2 ವಿಷಲ್ ಕೂಗಿಸಿಡಿ.

2 ಈರುಳ್ಳಿ ಸಿಪ್ಪೆ ತೆಗೆದು ದೊಡ್ಡ ದೊಡ್ಡದಾಗಿ ಹೆಚ್ಚಿ, ಎಳೆ ಎಳೆಯಾಗಿ ಬಿಡಿಸಿಡಿ.

   

ಬಾಣಲೆಯಲ್ಲಿ 2 ಚಮಚ ಎಣ್ಣೆ ಹಾಕಿ ಈರುಳ್ಳಿಯನ್ನು ಸ್ವಲ್ಪ ಹುರಿದು 2 ಚಮಚ ಹುಣಿಸೆ ರಸ ಹಾಕಿ ಬೇಯಿಸಿಡಿ.

1 ಚಮಚ ಕಡಲೇ ಬೇಳೆ, 1 ಚಮಚ ಧನಿಯಾ, 2 ಚಮಚ ಕಾಯಿ ತುರಿ, ನಿಮಗೆ ಬೇಕಾದಷ್ಟು ಒಣ ಮೆಣಸಿನ ಕಾಯಿ ಹುರಿದು ನುಣ್ಣಗೆ ರುಬ್ಬಿಡಿ. ಮೆಣಸಿನ ಕಾಯಿಗೆ ಮಾತ್ರ ಎಣ್ಣೆ ಹಾಕಿ ಹುರಿಯಿರಿ.

     

ಬೆಂದ ಬೇಳೆಗೆ ರುಬ್ಬಿದ ಮಿಶ್ರಣ, ಬೆಂದ ಈರುಳ್ಳಿ, ಉಪ್ಪು, ಚೂರು ಬೆಲ್ಲ , ಸ್ವಲ್ಪ ನೀರು ಬೇಕಾದರೆ ಹಾಕಿ ಕುದಿಸಿ.

ಒಗ್ಗರಣೆಗೆ ಸಾಸಿವೆ, ಇಂಗು, ಕರಿಬೇವು ಹಾಕಿ ಸಾಂಬಾರ್ ಗೆ ಹಾಕಿದರೆ ರುಚಿಯಾದ ಈರುಳ್ಳಿ ಆಲೂಗೆಡ್ಡೆ ಸಾಂಬಾರ್ ಸಿದ್ಧ!

ಧನ್ಯವಾದಗಳು.