PALAK CHAKKULI ಪಾಲಾಕ್ ಚಕ್ಕುಲಿ

Categories: Kannada, Tindi TinisuPublished On: November 28, 20170 Comments0 min read
Indu Jayaram
SHARE
ಚಕ್ಕುಲಿ ಎಲ್ಲರೂ ಇಷ್ಟ ಪಟ್ಟು ತಿನ್ನುವ ಕರಿದ ತಿಂಡಿ! ದೊಡ್ಡವರು, ಮಕ್ಕಳು ಎಲ್ಲರಿಗೂ ಇಷ್ಟ. ಅದನ್ನು ಆರೋಗ್ಯಕರವಾಗಿ, ರುಚಿಯಾಗಿ ಮಾಡುವ ರೆಸಿಪಿ ಇಲ್ಲಿದೆ!

   

2 ಕಟ್ಟು ಪಾಲಾಕ್ ಸೊಪ್ಪು ತೊಳೆದು 4 ಅಥವಾ 5 ಹಸಿ ಮೆಣಸಿನ ಕಾಯಿ (ಖಾರಾ ನಿಮಗೆ ರುಚಿಗೆ ತಕ್ಕಷ್ಟು) ಜೊತೆ ಸ್ವಲ್ಪ ನೀರು (ಕೆಲವು ಚಮಚ ನೀರು) ಸೇರಿಸಿ ನುಣ್ಣಗೆ ರುಬ್ಬಿ.

   

1 ಅಳತೆ ಅಕ್ಕಿ ಹಿಟ್ಟು, 1/2 ಅಳತೆ ಹುರಿಗಡಲೆ ಪುಡಿ ( ಪುಡಿ ಮಾಡಿ ಅಳತೆ ಮಾಡಿ), 1 ಚಮಚ ಜೀರಿಗೆ, 2 ಚಮಚ ಬಿಳಿ ಎಳ್ಳು, 1/2 ಚಮಚ ಇಂಗು, ಉಪ್ಪು, 1 ಚಮಚ ಬೆಣ್ಣೆ ಹಾಕಿ ಚೆನ್ನಾಗಿ ಕಲೆಸಿ, ರುಬ್ಬಿದ ಪಾಲಾಕ್ ಮಿಶ್ರಣ ಹಾಕಿ ಚಕ್ಕುಲಿ ಹಿಟ್ಟಿನ ಹದಕ್ಕೆ ಕಲೆಸಿ. ಬೇಕಿದ್ದರೆ ಸ್ವಲ್ಪ ನೀರು ಸೇರಿಸಿ.

ಚಕ್ಕುಲಿ ಒರಳಿಗೆ ಸುತ್ತಲೂ ಎಣ್ಣೆ ಸವರಿ ಚಕ್ಕುಲಿ ಹಿಟ್ಟು ತುಂಬಿ ಪ್ಲಾಸ್ಚಿಕ್ ಪೇಪರ್/ಬಟರ್ ಪೇಪರ್ ಮೇಲೆ ಗುಂಡಗೆ ಒತ್ತಿ ತುದಿಗಳನ್ನು ಸ್ವಲ್ಪ ಅಂಟಿಸಿ ಕಾದ ಎಣ್ಣೆಯಲ್ಲಿ ಹಾಕಿ ಕಡಿಮೆ ಉರಿಯಲ್ಲಿ ಗರಿ ಗರಿಯಾಗಿ ಕರಿದು ಹೆಚ್ಚಿನ ಎಣ್ಣೆ ತೆಗೆದು ಸವಿಯಿರಿ.

ಬಹಳ ಸುಲಭವಾಗಿ, ರುಚಿಯಾಗಿ ಮಾಡಬಹುದು! ಪಾಲಾಕ್ ಹಾಕಿರುವುದರಿಂದ ಆರೋಗ್ಯಕರ ಕೂಡಾ!

ಧನ್ಯವಾದಗಳು.

About the Author: Indu Jayaram

Indu Jayaram is a homemaker and regularly writes on home cooked food. She has more than 10,000 followers in her facebook page https://www.facebook.com/pg/indumathijayaram/

Leave A Comment