PALAK MANCHOORI ಪಾಲಾಕ್ ಮಂಚೂರಿ

Categories: Kannada, Tindi TinisuPublished On: November 25, 20170 Comments0.2 min read
Indu Jayaram
SHARE
ಗೋಭಿ ಮಂಚೂರಿ, ಪನ್ನೀರ್ ಮಂಚೂರಿ, ವೆಜ್ ಮಂಚೂರಿ ತಿಂದು ಬೇಜಾರಾಗಿದೆಯೇ? ಹಾಗಾದರೆ ಒಮ್ಮೆ ಪಾಲಾಕ್ ಮಂಚೂರಿ ತಿಂದು ನೋಡಿ.

ಮಾಡುವ ವಿಧಾನ :-

3 ರಿಂದ 4 ಕಟ್ಟು ಪಾಲಾಕ್ ತೊಳೆದು ಸಣ್ಣಗೆ ಹೆಚ್ಚಿಡಿ.

50 ಗ್ರಾಂ ಪನ್ನೀರ್ ತುರಿದಿಡಿ.

1 ಈರುಳ್ಳಿ ಸಣ್ಣಗೆ ಹೆಚ್ಚಿಡಿ.

2 ಬೆಳ್ಳುಳ್ಳಿ ಸಿಪ್ಪೆ ತೆಗೆದು ಸಣ್ಣಗೆ ಹೆಚ್ಚಿಡಿ.

4 ಹಸಿ ಮೆಣಸಿನಕಾಯಿ ಉದ್ದಕ್ಕೆ ಸೀಳಿಡಿ.

   

ಸಣ್ಣಗೆ ಹೆಚ್ಚಿದ ಪಾಲಕ್, ತುರಿದ ಪನ್ನೀರ್ , 4 ಚಮಚ ಮೈದಾ, 4 ಚಮಚ ಕಾರ್ನ್ ಹಿಟ್ಟು, ಖಾರದ ಪುಡಿ 1 ಚಮಚ, ರುಚಿಗೆ ಉಪ್ಪು ಹಾಕಿ ನೀರು ಸೇರಿಸದೆ ಗಟ್ಟಿಯಾಗಿ ಕಲಸಿ, ಚಿಕ್ಕ ಚಿಕ್ಕ ಉಂಡೆಗಳಾಗಿ ಮಾಡಿ ಗರಿ ಗರಿಯಾಗಿ ಕರೆಯಿರಿ.

ಬಾಣಲೆಯಲ್ಲಿ 4 ಚಮಚ ಎಣ್ಣೆ ಹಾಕಿ, ಹೆಚ್ಚಿದ ಈರುಳ್ಳಿ, ಹಸಿ ಮೆಣಸಿನಕಾಯಿ, ಬೆಳ್ಳುಳ್ಳಿ, ಟೋಮೇಟೋ ಸಾಸ್, ಸೋಯಾ ಸಾಸ್, ವಿನೆಗರ್ 1 ಚಮಚ ಹಾಕಿ, ಕರಿದ ಉಂಡೆ ಹಾಕಿ ಕಲೆಸಿ, ಕೊನೆಯಲ್ಲಿ ಕೊತ್ತಂಬರಿ ಹಾಕಿ ಬಿಸಿಯಾಗಿ ಬಡಿಸಿ.

ಕರಿದ ಉಂಡೆಗಳು ಹಾಗೆಯೇ ತಿನ್ನಲು ಪಕೋಡದಂತೆ ರುಚಿಯಾಗಿರುತ್ತದೆ.

ಧನ್ಯವಾದಗಳು.

 

About the Author: Indu Jayaram

Indu Jayaram is a homemaker and regularly writes on home cooked food. She has more than 10,000 followers in her facebook page https://www.facebook.com/pg/indumathijayaram/

Leave A Comment