PARAMANNA ಪರಮಾನ್ನ

ನಮಗೆ ತುಂಬಾ ಸಂತೋಷ ಆದಾಗ “ಪರಮಾನ್ನ ತಿಂದಷ್ಟು ಸಂತೋಷವಾಯ್ತು” ಎಂದು ಹೇಳುತ್ತೇವೆ. ಆ ಪರಮಾನ್ನ ನಮಗೆ ಮಾತ್ರ ಅಲ್ಲ ಸಾಕ್ಷಾತ್ ದುರ್ಗಾ ಮಾತೆಗೂ ಬಹಳ ಇಷ್ಟವಾದದ್ದು! ಈಗ ನವರಾತ್ರಿ ಪ್ರಾರಂಭವಾಗಿದೆ. ಎಲ್ಲೆಡೆ ಆ ತಾಯಿಯ ಪೂಜೆ, ಅಲಂಕಾರ, ಸ್ಮರಣೆ, ಉತ್ಸವ ನಡೆಯುತ್ತಿರುತ್ತದೆ.

ಹಾಗಾದರೆ ದುರ್ಗಾ ಮಾತೆಗೆ ಪ್ರಿಯವಾದ ಈ ಪರಮಾನ್ನವನ್ನು ನೀವೂ ಕೂಡ ಮಾಡಿ ನೈವೇದ್ಯ ಮಾಡಿ, ತಾಯಿಯ ಕೃಪೆಗೆ ಪಾತ್ರರಾಗಿ.

ಪರಮಾನ್ನ ಮಾಡುವ ವಿಧಾನ:-

1 ಲೋಟ ಅಕ್ಕಿ ತೊಳೆದಿಡಿ.

1 ಲೋಟ ಬೆಲ್ಲ ತುರಿದಿಡಿ.

ಸ್ವಲ್ಪ ಗೋಡಂಬಿ, ದ್ರಾಕ್ಷಿ ತುಪ್ಪದಲ್ಲಿ ಹುರಿದಿಡಿ.

1 ಏಲಕ್ಕಿ ಬಾಳೆ ಹಣ್ಣು ಸಣ್ಣಗೆ ಹೆಚ್ಚಿಡಿ.

ದಪ್ಪ ತಳದ ಪಾತ್ರೆಯಲ್ಲಿ 3 ಲೋಟ ನೀರುಹಾಕಿ, ಅಕ್ಕಿ ಹಾಕಿ ಬೇಯಲು ಇಡಿ. ಅಕ್ಕಿ ಅರ್ಧ ಬೆಂದಾಗ ಬೆಲ್ಲದ ಪುಡಿ ಹಾಕಿ, ಅಕ್ಕಿ ಸಂಪೂರ್ಣವಾಗಿ ಬೆಂದು ಬೆಲ್ಲವನ್ನು, ನೀರನ್ನು ಹೀರಿಕೊಂಡಾಗ ಒಲೆಯಿಂದ ತೆಗೆದು 1 ಚಮಚ ಜೇನುತುಪ್ಪ, ಬಾಳೆ ಹಣ್ಣು, ಚಿಟಿಕೆ ಏಲಕ್ಕಿ ಪುಡಿ ಹಾಕಿ ಕಲೆಸಿದರೆ ದೇವಿಗೆ ಪ್ರಿಯವಾದ ಪರಮಾನ್ನ ಸಿದ್ಧ!

   

ಇದು ಗುಡಾನ್ನ, ಸಿಹಿ ಪೊಂಗಲ್ ಗಿಂತ ಸ್ವಲ್ಪ ವಿಭಿನ್ನವಾಗಿರುತ್ತದೆ.

ನೀರಿನ ಬದಲು ಹಾಲಿನಲ್ಲಿ ಬೇಕಾದರೂ ಬೇಯಿಸಬಹುದು.

ಎಲ್ಲರಿಗೂ ನವರಾತ್ರಿ ಹಬ್ಬದ ಶುಭಾಷಯಗಳು.

ಧನ್ಯವಾದಗಳು.

Leave a Comment

%d bloggers like this: