ANDHRA PAPPU ಆಂಧ್ರ ಪಪ್ಪು

Categories: Kannada, OotaPublished On: November 24, 20170 Comments0.3 min read
Indu Jayaram
SHARE
ಆಂಧ್ರ ಪ್ರದೇಶದ ಸುಪ್ರಸಿದ್ಧ Side dish! ಬಿಸಿ ಬಿಸಿ ಅನ್ನದ ಜೊತೆಗೆ ಒಂದು ಚಮಚ ತುಪ್ಪ ಹಾಕಿ ತಿಂದರೆ ಆಹಾ! ಜೊತೆಗೆ ಕರಿದ ಉದ್ದಿನ ಹಪ್ಪಳ ಇದ್ದರೇ!!!???

ಮಾಡುವ ವಿಧಾನ:-

ನಿಮಗೆ ಬೇಕಾದ ಸೊಪ್ಪು ತೊಳೆದು ಸಣ್ಣಗೆ ಹೆಚ್ಚಿಡಿ. ಚಕ್ಕೋತನೆ ಸೊಪ್ಪು, ಪಾಲಾಕ್ ಸೊಪ್ಪು ತುಂಬಾ ಚೆನ್ನಾಗಿರುತ್ತದೆ. ಸ್ವಲ್ಪ ಸೊಪ್ಪು ಹೆಚ್ಚು ಬೇಕಾಗುತ್ತದೆ. ನಾಲ್ಕೈದು ಕಟ್ಟು ಹಾಕಿದರೂ ಚೆನ್ನಾಗಿರುತ್ತದೆ. (ಚಕ್ಕೋತನೆ ಸೊಪ್ಪಿನ ಫೋಟೋ ಹಾಕಿದ್ದೇನೆ ನೋಡಿ)

1 ಈರುಳ್ಳಿ, 2 ಟೋಮೋಟೋ, 2 ಬೆಳ್ಳುಳ್ಳಿ, 6 ಹಸಿ ಮೆಣಸಿನಕಾಯಿ ಸಣ್ಣಗೆ ಹೆಚ್ಚಿಡಿ. ಖಾರಾ ನಿಮಗೆ ಬೇಕಾಗುವಷ್ಟು ಹಾಕಿ ಮಾಡಿ.

2 ಚಮಚ ಹುಣಿಸೆ ರಸ ತೆಗೆದಿಡಿ.

   

ಕುಕ್ಕರಿನಲ್ಲಿ 1 ಲೋಟ ಬೇಳೆ ತೊಳೆದು ಹಾಕಿ, ಚಿಟಿಕೆ ಅರಿಷಿಣ , ಹೆಚ್ಚಿದ ಸೊಪ್ಪು, ಈರುಳ್ಳಿ, ಬೆಳ್ಳುಳ್ಳಿ, ಟೋಮೇಟೋ, ಹಸಿ ಮೆಣಸಿನಕಾಯಿ, ಸ್ವಲ್ಪ ನೀರು ಹಾಕಿ 3 ಅಥವಾ 4 ವಿಷಲ್ ಕೂಗಿಸಿಡಿ. ಸೊಪ್ಪು ಮತ್ತು ಬೇಳೆ ಚೆನ್ನಾಗಿ ಬೆಂದಿರಬೇಕು.

ನಂತರ ಬೆಂದ ಬೇಳೆ, ಸೊಪ್ಪನ್ನು ಸ್ವಲ್ಪ ಮಸೆದು ಹುಣಿಸೆ ರಸ, ಉಪ್ಪು, ಬೇಕಾದರೆ ಸ್ವಲ್ಪ ನೀರು ಸೇರಿಸಿ ಕುದಿಸಿ.

ಕೊನೆಯಲ್ಲಿ ಒಗ್ಗರಣೆಗೆ ಸಾಸಿವೆ, ಜೀರಿಗೆ, ಕರಿಬೇವು , ಜಜ್ಜಿದ ಬೆಳ್ಳುಳ್ಳಿ ಸ್ವಲ್ಪ ಹಾಕಿ ಬೇಳೆ ಮಿಶ್ರಣಕ್ಕೆ ಹಾಕಿದರೆ ರುಚಿಯಾದ, Spicy ಯಾದ ಆಂಧ್ರ ಪಪ್ಪು ಸಿದ್ಧ!

ಧನ್ಯವಾದಗಳು.

About the Author: Indu Jayaram

Indu Jayaram is a homemaker and regularly writes on home cooked food. She has more than 10,000 followers in her facebook page https://www.facebook.com/pg/indumathijayaram/

Leave A Comment