MALAI DAL ಮಲೈ ದಾಲ್

ಮಲೈ ಅಂದರೆ ಹಾಲಿನ ಕೆನೆ ಎಂದು ಅರ್ಥ! ಹಾಲಿನ ಕೆನೆ ಹಾಕಿ ಮಾಡಿದ ದಾಲ್! ಹೆಚ್ಚು ಖಾರಾ, ಮಸಾಲ ಇಲ್ಲ. ರುಚಿ ಸ್ವಲ್ಪ Mild ಅಂತಾನೆ ಹೇಳಬಹುದು!

ಮಾಡುವ ವಿಧಾನ:-

1 ಚಿಕ್ಕ ಲೋಟ ಉದ್ದಿನ ಕಾಳು ರಾತ್ರಿ ನೆನೆಸಿಡಿ. ಕಾಳಿನ ಫೋಟೋ ಹಾಕಿದ್ದೇನೆ ನೋಡಿ. ಸ್ವಲ್ಪ ಹೆಸರು ಕಾಳಿನ ಹಾಗೆ ಇರುತ್ತದೆ. ಬಣ್ಣ ಮಾತ್ರ ಕಪ್ಪು!

1 ಚಿಕ್ಕ ಬೆಳ್ಳುಳ್ಳಿ ಸಿಪ್ಪೆ ತೆಗೆದು ಸಣ್ಣಗೆ ಹೆಚ್ಚಿಡಿ.

2 ಹಸಿ ಮೆಣಸಿನಕಾಯಿ ಸಣ್ಣಗೆ ಹೆಚ್ಚಿಡಿ.

1 ಈರುಳ್ಳಿ ಸಣ್ಣಗೆ ಹೆಚ್ಚಿಡಿ.

ನೆಂದ ಉದ್ದಿನ ಕಾಳನ್ನು 2 ಅಥವಾ 3 ವಿಷಲ್ ಕೂಗಿಸಿಡಿ.

    

ಬಾಣಲೆಯಲ್ಲಿ 4 ಚಮಚ ಎಣ್ಣೆ ಹಾಕಿ, ಜೀರಿಗೆ, ಈರುಳ್ಳಿ, ಬೆಳ್ಳುಳ್ಳಿ, ಹಸಿ ಮೆಣಸಿನಕಾಯಿ ಹಾಕಿ ಸ್ವಲ್ಪ ಬಾಡಿಸಿ, ಚಿಟಿಕೆ ಅರಿಶಿಣ, 1/2 ಚಮಚ ಖಾರಾ ಪುಡಿ, ಬೆಂದ ಕಾಳು, ಉಪ್ಪು ಹಾಕಿ ಕಲೆಸಿ, ಬೇಕಾದರೆ ಸ್ವಲ್ಪ ನೀರು ಹಾಕಿ ಕುದಿಯಲು ಇಡಿ. ಕೊನೆಯಲ್ಲಿ ಹೆಚ್ಚಿದ ಕೊತ್ತಂಬರಿ ಸೊಪ್ಪು, 4 ಚಮಚ ಫ್ರೆಶ್ ಕ್ರೀಮ್ ಹಾಕಿ ಕಲೆಸಿದರೆ ರುಚಿಯಾದ, ಸುಲಭವಾಗಿ ಮಾಡಬಹುದಾದ ಮಲೈ ದಾಲ್ ರೆಡಿ!

        

ಚಪಾತಿ, ಪುಲ್ಕಾ, ರೋಟಿ, ಅನ್ನದ ಜೊತೆಗೆ ತುಂಬಾ ಚೆನ್ನಾಗಿರುವ Side dish! ಮಾಡಿ ನೋಡಿ.

ಧನ್ಯವಾದಗಳು.

Leave a Comment

%d bloggers like this: