DAL KICHADI ದಾಲ್ ಕಿಚಡಿ

Categories: Kannada, OotaPublished On: November 20, 20170 Comments0.3 min read
Indu Jayaram
SHARE
ಉತ್ತರ ಭಾರತದ ಪೊಂಗಲ್ ಎಂದೇ ಹೇಳಬಹುದು! ಮಾಡುವುದು ಸುಲಭ! ಆದರೆ ರುಚಿಕರ! ಆರೋಗ್ಯಕರ!

ಮಾಡುವ ವಿಧಾನ:-

1 ಈರುಳ್ಳಿ, 2 ಟೋಮೋಟೋ ಸಣ್ಣಗೆ, 2 ಹಸಿ ಮೆಣಸಿನಕಾಯಿ ಉದ್ದಕ್ಕೆ ಸೀಳಿಡಿ.

ಸ್ವಲ್ಪ ಕೊತ್ತಂಬರಿ ಸೊಪ್ಪು ಹೆಚ್ಚಿಡಿ.

ಕುಕ್ಕರಿನಲ್ಲಿ 4 ಚಮಚ ತುಪ್ಪ / ಎಣ್ಣೆ ಹಾಕಿ 1/2 ಚಮಚ ಜೀರಿಗೆ, ಹೆಚ್ಚಿದ ಈರುಳ್ಳಿ, ಟೋಮೇಟೋ,1 ಚಮಚ ಜಿಂಜರ್ ಗಾರ್ಲಿಕ್ ಪೇಸ್ಟ್, ಚಿಟಿಕೆ ಅರಿಷಿಣ, 1/2 ಚಮಚ ಗರಂ ಮಸಾಲ ಪುಡಿ, 1/2 ಚಮಚ ಖಾರಾದ ಪುಡಿ( ಖಾರಾ ನಿಮ್ಮ ರುಚಿಗೆ ತಕ್ಕಷ್ಟು) ಸ್ವಲ್ಪ ಹುರಿಯಿರಿ.

1 ಲೋಟ ಬಾಸುಮತಿ ಅಕ್ಕಿ, 1/2 ಲೋಟ ಹೆಸರು ಬೇಳೆ ತೊಳೆದು ಒಗ್ಗರಣೆಗೆ ಹಾಕಿ, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಸ್ವಲ್ಪ ಹುರಿದು 4 ಅಥವಾ 4 1/2 ಲೋಟ ನೀರು ಹಾಕಿ ಮುಚ್ಚಳ ಮುಚ್ಚಿ 2 ವಿಷಲ್ ಕೂಗಿಸಿ.

ಕೊನೆಯಲ್ಲಿ ಹೆಚ್ಚಿದ ಕೊತ್ತಂಬರಿ ಸೊಪ್ಪು, ಸ್ವಲ್ಪ ತುಪ್ಪ, ನಿಂಬೆ ರಸ ಬೇಕಾದರೆ ಹಾಕಿ ಕಲೆಸಿ ಮೊಸರು ಬಜ್ಜಿಯೊಂದಿಗೆ ಬಡಿಸಿ!

ಈ ರೆಸಿಪಿಯಲ್ಲಿ ಬಾಸುಮತಿ ಅಕ್ಕಿಯೇ ಹಾಕಬೇಕು. ಸಾಧಾರಣ ಅಕ್ಕಿ ಚೆನ್ನಾಗಿರುವುದಿಲ್ಲ! ಮತ್ತು ಬಾಸುಮತಿ ಅಕ್ಕಿ , ಹೆಸರು ಬೇಳೆ ಬೆಂದ ನಂತರ ಸ್ವಲ್ಪ ಹೆಚ್ಚೇ ಒದಗುತ್ತದೆ ( ಅಂದರೆ Volume ಜಾಸ್ತಿ ಆಗುತ್ತದೆ) ನಿಮ್ಮ ಮನೆಯ ಸದಸ್ಯರ ಸಂಖ್ಯೆ ನೋಡಿ ಕೊಂಡು ಹಾಕಿ ಮಾಡಿ.

   

ಇದೇ ರೆಸಿಪಿರಲ್ಲಿ ಬೇಕಾದರೆ ಒಗ್ಗರಣೆಗೆ ಹೆಚ್ಚಿದ ಪಾಲಾಕ್ ಹಾಕಿದರೆ ದಾಲ್ ಪಾಲಾಕ್ ಕಿಚಡಿ ಆಗುತ್ತದೆ. ಹಿಂದೆ ಆ ರೆಸಿಪಿ ಕೂಡ ಹಾಕಿದ್ದೇನೆ.

ಇದೇ ರೆಸಿಪಿಯಲ್ಲಿ ಅಕ್ಕಿ ಸೇರಿಸದೆ ಹೆಸರು ಬೇಳೆ ಮಾತ್ರ ಹಾಕಿ ಮಾಡಿದರೆ ರುಚಿಯಾದ ದಾಲ್ ಸಿದ್ಧ! ಅನ್ನ, ಚಪಾತಿ, ಪುಲ್ಕಾ ಜೊತೆಗೆ ಒಳ್ಳೆಯ ಕಾಂಬಿನೇಶನ್!

ಧನ್ಯವಾದಗಳು.

About the Author: Indu Jayaram

Indu Jayaram is a homemaker and regularly writes on home cooked food. She has more than 10,000 followers in her facebook page https://www.facebook.com/pg/indumathijayaram/

Leave A Comment