METHI PEAS RICE ಮೇಥಿ ಪೀಸ್ ರೈಸ್

////METHI PEAS RICE ಮೇಥಿ ಪೀಸ್ ರೈಸ್

METHI PEAS RICE ಮೇಥಿ ಪೀಸ್ ರೈಸ್

ಮೆಂತ್ಯ ಸೊಪ್ಪು ಆರೋಗ್ಯಕ್ಕೆ ಬಹಳ ಒಳ್ಳೆಯದು! ಈ ಸೊಪ್ಪಿನಿಂದ ಮಾಡುವ ರುಚಿಯಾದ, ಆರೋಗ್ಯಕರವಾದ ರೈಸ್ ರೆಸಿಪಿ ಇಲ್ಲಿದೆ!

ಮಾಡುವ ವಿಧಾನ:-

2 ಕಟ್ಟು ಮೆಂತ್ಯ ಸೊಪ್ಪು ಬಿಡಿಸಿ ತೊಳೆದು ಸಣ್ಣಗೆ ಹೆಚ್ಚಿಡಿ.

    

1 ಲೋಟ ಜೀರಾ ಅಕ್ಕಿ ತೊಳೆದು 30 ನಿಮಿಷ ನೆನೆಸಿ ಸೋರಿ ಹಾಕಿಡಿ.

1 ಚಿಕ್ಕ ಬೆಳ್ಳುಳ್ಳಿ, 1 ಇಂಚು ಶುಂಠಿ, 1 ಇಂಚು ಚಕ್ಕೆ, 4 ಲವಂಗ, 2 ಏಲಕ್ಕಿ, 1 ಟೀ ಚಮಚ ಸೋಂಪು, 4 ಹಸಿ ಮೆಣಸಿನಕಾಯಿ, 1 ಹಿಡಿ ಕೊತ್ತಂಬರಿ ಸೊಪ್ಪು ಸ್ವಲ್ಪ ನೀರು ಸೇರಿಸಿ ಚಟ್ನಿಯ ಹದಕ್ಕೆ ರುಬ್ಬಿಡಿ.

   

1 ಈರುಳ್ಳಿ, 2 ಟೋಮೋಟೋ ಸಣ್ಣಗೆ ಹೆಚ್ಚಿಡಿ.

1/2 ಲೋಟ ಬಟಾಣಿ ಬಿಡಿಸಿಡಿ.

ಕುಕ್ಕರಿನಲ್ಲಿ 4 ಚಮಚ ಎಣ್ಣೆ ಹಾಕಿ ಹೆಚ್ಚಿದ ಈರುಳ್ಳಿ ಹಾಕಿ ಸ್ವಲ್ಪ ಬಾಡಿಸಿ. ನಂತರ ಟೋಮೇಟೋ, ಬಟಾಣಿ, ಹೆಚ್ಚಿದ ಮೆಂತ್ಯ ಸೊಪ್ಪು, ಚಿಟಿಕೆ ಅರಿಷಿಣ, 2 ಪಲಾವ್ ಎಲೆ, ಸ್ವಲ್ಪ ಗೋಡಂಬಿ, ರುಬ್ಬಿದ ಮಿಶ್ರಣ ಹಾಕಿ ಬಾಡಿಸಿ, ಕೊನೆಯಲ್ಲಿ ನೆನೆಸಿದ ಅಕ್ಕಿ, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಚೆನ್ನಾಗಿ ಕಲೆಸಿ 1 ಅಥವಾ 1 1/4 ಲೋಟ ನೀರು ಹಾಕಿ ಮುಚ್ಚಳ ಹಾಕಿ 2 ವಿಷಲ್ ಕೂಗಿಸಿದರೆ ರುಚಿಯಾದ ಘಮ ಘಮಿಸುವ ಮೇಥಿ ಪೀಸ್ ರೈಸ್ ಸವಿಯಲು ಸಿದ್ಧ!

ಜೀರಾ ಅಕ್ಕಿಯ ಬದಲು ಸಾಧಾರಣ ಅಕ್ಕಿ ಅಥವಾ ಬಾಸುಮತಿ ಅಕ್ಕಿ ಸಹ ಹಾಕಬಹುದು. ಆಗ ನೀರು ಒಂದು ಅಳತೆಗೆ ಎರಡು ಅಳತೆ ನೀರು ಹಾಕಬೇಕು.

ಧನ್ಯವಾದಗಳು

By | 2018-03-05T22:09:33+00:00 March 4th, 2018|Kannada, Oota|0 Comments

About the Author:

Indu Jayaram is a homemaker and regularly writes on home cooked food. She has more than 10,000 followers in her facebook page https://www.facebook.com/pg/indumathijayaram/
%d bloggers like this: